(( تغيرنا ولا ندري من الي غير أطباعه ))

(( تغيرنا ولا ندري من الي غير أطباعه ))
ــــــــــــــــــــــــــــــــــــــــــــــــــ ـــــــــــــــــ
تغيرنـا ولا نـدري مـن اللـي غيـر أطباعـه
ياقلبي قول لاتسكت وش اللي جابنـا أغـراب؟! .

سألتـك ليـه تتنـهـد بـصـدرك آه ملتـاعـه
تصب الملح من عينك تناثر دمعـك المرتـاب؟! .

جنوني / والذي خلـد غـلاك بخافقـي راعـه
سكوتك يكسر ضلوعي وفيني مابقـت أعصـاب .

أبعرف بس مـن يقـدر يكـدر خاطـرك ساعـه
أبعرف بس من غيري يفتح في هـواك أبـواب .

تنهـد وألتفـت يمـي وقـال بـروح فـزاعـه:
حبيبي يا بعد عمري أحبك ( والهوى غـلاب ) .

هواك بمهجتي أقـرب مـن الخفـاق لأضلاعـه
وكيف وشلون لا تسأل سألت ولا لقيـت أسبـاب .

أحبك / كثر ما أكـره فراقـك وأشـرب أوجاعـه
أحبك / كثر ماتسهـر عيـونٍ تنتظـر أحبـاب .

أحبـك / كثـر مايحلـم فقيـر يعـدل أوضاعـه
أحبك / كثر مايندم غشيـم بعشـرة الأصحـاب .

أحبك / كثـر ماغنـى (عبـادي) للهوى وداعـه
( على آخر تراب الأرض )أحسك بالوصل كذاب .

لأنـه صـار مـا كنـا نخافـه والهـوى طاعـه
فراقـك حـلّ ياعمـري ولازم نبتعـد أغـراب .

صح الله لسانج

تسلمين علا الشعر مررررره حلوووو

صح بدنج ملاك وتسلمين ع المرور

تسلمين الغالية ع النقل الكشخة

وربي يعطيج الف عااافية

الله الله الله شوو هاا الابداااااع ؟؟

تسلمييييين قمر الحب ع القصيده الروووعه؟؟

ويعطيج الف الف عاافيه؟